Het storyboard voor de eerste Heemännekes! film is door Goaitsen van der Vliet vertaald in het Twents voor publicatie in het 'Blad in t plat' De Nieje Tied. De strip werd opgenomen in De Nieje Tied 4 (juli 1995).

Op n Osseler Es In Tweante he'j nog 'n hil deel van dee steakes woar a'j ok s möt hebn wes. Zooas biej Ossel. t Is der gloepns mooi en stille, de loch is der bes en de leu broekt zich onmeundig. En wel der a n moal hef wes, hef boo wisse de mölle wa zeen. Joa, op n Osseler Es kö'j alle dage wa wean. Mer 's oavnds, dan is t kats aans. Dan vaalt der dinge veur woar at de leu nich geern van sprekt. Dan dwelt de hee-männekes in t roonde. A'j ze heurt met eer eentonig geroop kö'j der better niks op oet doon. Of ken iej de gesjichte van t oalde Hennik nich?

1. Op nen veurjoarsoavnd döt t oalde Hennik an n raand van n Osseler Es wat mes schepn veur in n hof. Hee zucht en krönt t oet. Hee hef n emmer a zoowat vol.

2. Doar is a bliej van, want hee hef zich genog of eworseld vandage. Hee is wat sloerig in de böt en hef beklag met zichzölvn. 'Huh..' döt e biej iedern schep met de greep.

3. Noe hef e t mooi terechte en veur at e de greep ofveagt nemt e n snuufke van de varse mestloch. Hee mag dan luk troage wean, mer Hennik döt geern boetn wearkn. 'Aaaah...' zuch e tevrea.

4. Hennik is luk beduzeld van al dat kleijn en snoevn. Heurt e doar wat? Den Osseler Es ligt eenleustig achter um, mer toch trek ut m oardig oaver de hoed. t Is of der een noar m zit te gloepn.

5. Joa! Noe heurt e t vanniejs, zach hee-geroop van n es. t Lik zienn eign echoo wa, mer dan heuger. 'Hee...' döt Hennik stoompverwoonderd, en sitoo döt der zich wat vrömds veur.

6. Hoo he'k t der noe met, dech Hennik as e zöt hoo at ziene greep zich beweegt. Zoo mer oet zich zölf! En op eenmoal brek der nen taand of. Wat is der te done?

7. 'Hee!' röp Hennik as met nen dreugn tik der nog nen taand van de greep ofbrek. En oonderwiel kleenkt wier dat hee-geroop van n es, van völ nöagerbiej noe, zoo lik ut wa.

8. Hennik begeent zich te bangn. t Is a vrömd dat der zoo mer taande van ziene greep brekt, mer op dat akelige hee-geroop hef e n dun oge. Dat was joa wat oet anneke-besmoorstied...

9. 'Boo nee!' bleert Hennik. 'Oo jongs, nee!' t hee-männeke is ineenn op edökn en begeent te rameantn. Hee gef Hennik n paar beste ziegerds an n kop, iederbod harder, astertoo!

10. Den aarmn kleiblood wördt roew an de groond epleerd. Laankoet vaalt e in n drek. Hoo har e könn wetn at dat hee-männeke zien gezucht en zien hee-geroop nich kon doern?

11. t Hee-männeke is gleuindig verkeerd in n kop en spreek weeld hen ende wier op n mothoop. Leu oet Tweante zoln joa ok better mötn wetn: Doot nooit n hee-männeke noa!

12. Waart oe, hee-männekes bint onwies voele öaze. 'Dat zal wa,' pip t oalde Hennik veraltereerd, 'mer k heb t nich ekstraa doan en dat he'k nich!'

Teekningn: Marc van Barneveld Bewerking van n teks in t Tweants: Goaitsen van der Vliet © Studio Krakje 1994